St'ammóre nuósto lyrics

St’ammóre nuósto, è na malincunia,

calculatore, friddo, sestimato,

sènza capricce, sènza gelusia,

sènza ’o penziéro ’e puté fà peccato...

Nuje cammenammo pe’ na stéssa via,

fòrse pecché sta ’nciélo destinato;

j’ saccio cèrto ca si’ ssèmpe ’a mia,

tu si’ sicura ca te sto’ attaccato.

E cammenammo - ma chi sa pecché? -

sciuóvete e astrinte - sènza maje penzà

st’ammóre nuósto che vo’ dì... che d’è...

N’anno luntane putarrìamo stà;

tu nun dicisse: « ’o vularria vedé! »

j’ nun penzasse: « ’a vularria vasà!... »