Sonnet 73 [Breton translation]

Ennon-me e c'hellez arvestiñ ar mare-bloaz

Pa vez delioù pe melen, pe rouez, pe mann outo

istribilhet diouzh brenk o simudañ ouzh ar riv

sernioù dilezet ha rivinet, lec'h ma kane evned en diagent

Ennon-me e welez serr-noz seurt devezh

hag a ya diwar wel er c'hornog pa vez aet an heol da guzh

hag a vo kaset pell a nebeudigoù gant an noz

adskeudenn ar marv a gloz pep tra er repoz

Ennon-me e welez ruziadur an tan

a c'houlerc'h war ludu ar yaouankiz

e-giz ur gwele kañv 'zo ret leuskel e anal diwezhañ warnañ

lonket gant ar pezh a vouete anezhañ

Gwelout a rez ar pezh a laka da garantez da vezañ kreñvoc'h

evit karout ervat ar pezh a vo ret dilezel kent pell.