Sonnet 5 Those hours that with gentle work did frame [Neapolitan translation]

Nce mettèttero ll’ore tutta n’arte

pe te fà na presènza cómm’a cchélla

ma po lle danno ‘ncuóllo pe sturciarte,

brutta addeventa ca mo è troppo bèlla.

‘O tiémpo vòla e ‘a staggióne zuffónna,

scumpare ‘int’a nu tròppo brutto viérno;

jatevénne vuje, linfa e fresca frónna,

cummiglia ‘a néva ‘o bèllo e lassa ‘o ‘nfiérno.

Si l’assènzia soja nun vène lassata,

squagliata, ‘e vrito dint’a na presóne,

‘a bellezza è appe éssa sbacantata,

essa e pure ‘o ricòrdo ‘e chéllo ch’èra.

Ma vénce ‘o viérno cu ‘a semmènza ‘o scióre:

perza ‘a presènza, ll’assènzia nun mòre.