Skellig [Sardinian [northern dialects] translation]

Toca Jubanne, allughe sa candela

ca est iscuricande

sos puzones an acabau de cantare

sas campanas sun mutinde totus a missa

Sede inoche a curtzu a mie

ca sa notte est meda longa

b’at carchi cosa chi ti depo narrer

prima de m’inche andare

M’ipo postu in pare chin sa cufradìa

totu fin sos libros pro mene

apo iscritu sas paràgulas ‘e Deus

e medas cosas de istoria

Prus de un annu so abarrau

inserrau in d’una roca supra de su mare,

sas undas m’an netau sas làgrimas

e su ‘entu sos ammentos

Apo intesu s’alenu de s’oceanu

sulande in s’oru ‘e mare

apo connotu sambene 'e traschìa,

apo apoderau sa furia sua

Gai sun colaos sos annos

intro 'e sa domo de preda

chin d’unu soriche o unu puzone ebbìa

pro amicu; ma che los apo cherfiu bene

E gai est acuntessiu

ch’inde so benniu a inoche in Romani

e b’apo postu prus de un annu

pro crompere anch’e tene

In carreras prugherosas so andau

e issupra montes artos

zumpande ribos profundos

suta de su chelu infiniu

Suta a custos frores de zarminu

in mesu a custos arbures de cipressu,

como t’intrego sos libros meos

e totus sos misterios issoro

Como pica sa clessidra

e fùrriala conca a zosso

ca cando s’arena si frimat

tando m’as a atzapare mortu

Toca Jubanne, allughe sa candela

ca est iscuricande

sos puzones an acabau de cantare

sas campanas sun mutinde totus a missa