سروه‌ی به‌یانی [Sirwey Beyanî] lyrics

تۆ وه‌کوو سروه‌ی به‌یانانی به‌هاری

تۆ له‌ له‌شما گیانی سووکی نادیاری

بۆ شه‌وی خۆشی و نه‌خۆشیم یادگاری

ڕه‌مزی ئینتیزاری

تۆ جریوه‌ی دارستانی جێ‌ ژوانی

بۆ هه‌سێره‌ی به‌رزی ئاواتم سریوه‌ی

چه‌نده‌ جوانی

گیانه‌که‌م جاران که‌ ئه‌تگوت

پێکه‌نینت زایه‌ڵه‌ی سه‌وزی شه‌تاوه‌

چاوی شینت گۆمی مه‌ندی پـڕ له‌ ماسی

زه‌رد و سووری به‌ر هه‌تاوه‌

ئێسته‌ بۆ وا شۆڕه‌بی برژانگی نه‌رمت ده‌وری داوه‌

بۆچی گه‌رمایی ڕوانینت نه‌ماوه‌؟

هه‌ڵبه‌ست:سوارە ئیلخانی زادە