Sirûdî Kurdî / Sirûda Kurdî - با هه‌موو جوتیار و پاڵه‌و ڕەنجبه‌ران [Ba Hemû Cutyar û Pale û Rencberan]

با هه‌موو جوتیار و پاڵه‌و ڕەنجبه‌ران

یه‌ک گرن تا دەبنه هێز و پشتیوان

هه‌ڵگرن یه‌ک سه‌ر دروشمی هاوبه‌شی

بێ جیاوازی له‌سه‌ر ڕەمز و نیشان

هه‌ڵگرن پاچ و چه‌ک و بێڵ و قه‌ڵه‌م

هه‌ر له‌ ڕۆشنبیر هه‌تا شوان و سه‌پان

کاکی کۆلاک دەس له ‌گه‌ردەن هه‌ڵبه‌سێ

تا بڵێن ها، یه‌کێتی دەستی شکان

عه‌رز و ئاو بۆ چینی جوتیاری هه‌ژار

به‌رهه‌می نۆش کا وەک و نۆشی گیان

ئێوە شۆڕشگێر بن پێشڕەوتان هه‌یه‌

یه‌کێتی چه‌ن کۆشکی شاهانه‌ی ڕمان

کۆمه‌ڵێ سۆسیالیزم بونیاد بنێن

تاوەکوو ببنه نموونه بۆ جیهان

قه‌د له‌بارووت و گوله‌ و شه‌ستیر و خوێن

سڵ نه‌که‌ن، تا ئه‌چنه هه‌وارگه‌ی گه‌لان

ئێوە بنچینه‌ و بناغەی کۆمه‌ڵن

نه‌زری شانی ئێوەیه‌ ئه‌رکی ژیان

تێخرۆشن، تێبکۆشن، کۆڵ نه‌دەن

تا به‌زۆر بیهێننه‌ دەس مافی ڕەوان

نووکی پاچ و بیری ورد و هێزی له‌ش

ببنه‌ بورکانێک له‌ گیانی دوژمنان

قانع