Coneishetz a Simon,
qui ei sus d’autes camins?
Qu’ei lo sol qui sab parlar aus molins.
Coneishetz a Simon,
lo qui canta tan plan?
Jo qu’èi votz com eth,
e non sèi cantar.
Quauque còp, que vau sus l’arbo son,
D’on vèi que lo monde vira pas tròp rond,
E que’m tiri la vergonha preson,
E que canti libre, libre com Simon.
Canta, canta…
Coneishetz a Simon,
qui a un aute sorelh,
Un aute lugran, un aute saunei?
Coneishetz a Simon,
lo qui vola tan plan?
Jo qu’èi braç com eth,
e non sèi volar.
Quauque còp, que vau tau son país,
La baish quauque part, au hons deu cèu tot gris,
E que’m tiri la camisa preson,
E que voli libre, libre com Simon.
Vola, vola…
Coneishetz a Simon,
lo qui dança tostemps,
Qui’s fot de la mòda e deu maishant temps?
Coneishetz a Simon,
lo qui dança tan plan?
Jo qu’èi pès com eth,
e non sèi dançar.
Quauque còp, que m’envita au son bal,
Aquiu, on s’i hè tot dia Carnaval,
E que’m tiri las cauçuras preson,
E que danci libre, libre com Simon.
Dança, dança…