Sicilia bedda lyrics

Iu sugnu ‘nsicilianu e staiu ‘America,

lassai la terra mia ppi travagghiari,

mi fici cu travagghiu li dinari,

ma pensu a la Sicilia ‘nverità...

Sicilia bedda, Sicilia mia,

ti pensu sempri cu nustalgia

e qualchi jornu, Sicilia mia,

vengnu ‘nti tia ppi nun partiri cchiù...

Ppi vidiri li tò giardini ‘nciuri

vistuti tutti d’oru di lu suli,

ppi sentiri cantari i marranzani,

lu desideriu miu e chistu ccà...

Sicilia bedda, Sicilia mia,

ti pensu sempri cu nustalgia

e qualchi jornu, Sicilia mia,

vengnu ‘nti tia ppi nun partiri cchiù...

Ci su tanti ricchizzi ‘nta st’America,

però iu pensu a la Sicilia mia,

si chiuru l’occhi, cu la fantasia,

mi pari ca iù sugnu propriu ddà...

Sicilia bedda, Sicilia mia,

e qualchi jornu, Sicilia mia,

vengnu ‘nti tia ppi nun partiri cchiù...

Ti pensu sempri, Sicilia mia,

e qualchi jornu, Sicilia mia,

vengnu ‘nti tia ppi nun partiri cchiù...