Si tu me payes un verre [Breton translation]

Mar profez ur bannac'h din, ne c'houlennin ket diganit

da belec'h ec'h aez, eus a-belec'h e teuez, hag oc'h bet lezet kuit eus an toull-bac'h

daoust hag eo koant da wreg, pe n'ez peus hini ebet,

pe emaout o kantren da-unan-penn, sac'het da galon...

Ne lârin tra, arvestiñ a rin ouzhit,

rannañ a raimp ur ger bennak en ur chom war hon treuzoù.

Riñsañ a raimp hor gwerennoù, ha kuit e vin adarre,

gant un tammig ouzit evit abuziñ ar sioulder.

Mar profez ur bannac'h din, e c'helli, mar karez,

kontañ da vuhez din, ober ur werz santel1 outi

pe ur c'hoari war gan... Mont a rin e-barzh da jeu,

gouest e vin aes da chom a-live ganit.

Adijinañ a rin mousc'hoarzhoù a vugel,

bokidi a rin diouto, garlantez a rin diouto,

kinnig a rin anezho dit en ur stardañ da zorn.

N'eo ret dit nemet goulenn?

Mar profez ur bannac'h din, pe 'm bo sec'hed pe get,

e sellin ouzhit er mod ma seller ouzh e vreur,

un tammig evel ar C'hrist d'e goan diwezhañ.

Eveltañ e lârin gwirionezioù a-bouez:

ret eo en em garout, ne vern peseurt fas az peus,

ha mirout a varn ar re vad kenkoulz hag ar c'hanailhez.

Mar profez ur bannac'h din, ne vin ket imoret ouzhit

evit bezañ mann ebet... Didalvoud on-ken ha-ken.

Mar profez ur bannac'h din, mont a raimp betek ar penn pellañ,

ma mignon e vi, e-pad ur frapadig d'an nebeutañ.

Adober a raimp ar bed, o vrañsellat, met war-sav evelato,

laouen o kompren penaos, mard eo ront ar bed

talonoù ken ront hon eus, ha mad a ra-se deomp.

Edos o klask ur vouezh e-touez an engroez evit respont dit:

neuze pae da vannac'h, ha karout a rin ac'hanout,

hag an doganed eürusañ er bed e vimp-ni.

1. E galleg: "une épopée".