Si mi sei aischusthendi lyrics

Tu no hai pududdu fà nudda ma isthai mari ancora abà

no v'hai cuipi, eri minori, no pudì mai immaginà

cosa hai drentu lu cumprendu, senza babbu suffri,

abà vogliu cantà

Ma sì mi sei aischulthendi da sobra lu zeru

m'ha dittu d'ammintatti e chisthu debu fà,

e sì proba durori tu nò preoccupatti

acchì bastha pinsatti pa pudetti amà

Ma sì sei cumprindendi lu chi abà ti cantu

ti lu vo fà sabbè chi in cori un loggu v'è,

mi dizi chi li manchi, piegni dugna notti

senza dillu a nisciunu ti vo troppu bè

Si intendarai la bozi chi soggu bugghendi

è soru pa aggiudalla e pa no immintiggà

ma soggu chi l'amori mi l'hai sempri daddu

davviru puru abà e mai abarà a ciambà

No sei più cun eddi in casa ma prisenti sei i lu cori,

mi lu dizi dugnia vostha chi hai lassaddu dui figliori,

sani puru chi no torri, eu zerchu di falli fozza

cantendi chisthu a te

Ma sì mi sei aischulthendi da sobra lu zeru

m'ha dittu d'ammintatti e chisthu debu fà

e si proba durori tu no preoccupatti

acchì bastha pinsatti pa pudetti amà

ma sì sei cumprindendi lu chi abà ti cantu

ti lu vo fà sabbè chi in cori un loggu v'è

mi dizi chi li manchi piegni dugna notti

senza dillu a nisciunu ti vò troppu bè

sì intendarai la bozi chi soggu bugghendi

è soru pa aggiudalla e pa nò immintiggà

ma soggu chi l'amori vi l'hai sempri daddu

davviru puru abà e mai abarà a ciambà