لا تستحي مول آمر قول وتدلل
شبيك لبيك وانت الآمر الناهي
لا يمكن أرفض طلبك أو يمكن اتملل
أو آمرك جاه وانت العز والجاهي
ما همني قول من كثر ومن قلل
أجيك برضاي لا ساهي ولا لاهي
غلاك في القلب يكبر بي ويتسلل
يقوله القلب قبل تقوله شفاهي
غرام غيرك حرام وحبك محلل
يا احلى من السكر اللي في آخر الشاهي
لك فز قلبي بطوع وكبر وهلل
يا من بزينه وحسنه ما له مضاهي
سحرت قلبي بطرفن رمشه مظلل
جذاب نهاب فيه السحر متناهي
وضحت لك وانت حلل وأكمل وعلل
يا عود موز لدين بالترف تاهي