ساقی پێکم بۆ داگرە
ئەمشەو ناخم پڕ ئاگرە
تۆ قەت بێ شەرابم مەکە
پێکم لە پێش هەڵمەگرە
ساقی تێکە هەر تێکە مەی
تێکە بۆ ئەو دەردو خەمەی
بێ گومانم هەر ئەم کوژێ
بەڵام نازانم ئاخۆ کەی!؟
تێکە بۆ دڵی بێ چارەم
لە حەژمەت دەردی ئەو یارەم
ساقی دەردم زۆر گرانە
دڵم نوقمی ئاهو ژانە
تێکە بە یادی چاو جوانێ
کە بۆ من هەموو ژیانە
یار هەر دەڵێ دێم و نایە
بێ ئەو خۆرم لێ هەڵ نایە
بێنە شەراب بێنە تێکە
ئاخ دووری ئەو چ بەڵایە
ساقی تێکە هەر تێکە مەی
تێکە بۆ ئەو دەردو خەمەی
بێ گومانم هەر ئەم کوژێ
بەڵام نازانم ئاخۆ کەی!؟
تێکە بۆ دڵی بێ چارەم
لە حەژمەت دەردی ئەو یارەم