مات شعري مات و اعلن بالوقوف
من عقب ما الجرح في الخافق سطا
من عقب ماصار جاني منك خوف
ما هقيت الجرح منك و الخطأ
ليت تدري ليتك بحالي تروف
ما يحس الجمر كود اللي وطا
شمس حبي صابها منك كسوف
مات حلمي ضاع شوقي و العطا
بالوفا و الطيب و الحق معروف
اعشقه رغم الجفا لي و البطا
يعتذر و يقول يا الغالي ظروف
يحسب ان الحر ما شاف القطا
جرحك الدامي بقلبي منك عوف
ما يفيدك لو توسط او سطا
استلذ الموت في حالة وقوف
و لا الحياة بذل جرحن بي سطا