Sevishganlar [Transliteration]

Koʻzlarida bordur yulduz toʻla osmonlar,

Dillarida bordur ushalmagan armonlar,

Ular xuddi oppoq bulutlardan tushganlar,

Hayotni ham goʻzal etkaydir sevishganlar.

Naqarot

Hayotni xayollar ichida mast boʻlib yashaydilar

Sevishganlar.

Hayotdan yaralgan bir goʻzal dunyoga oʻxshaydilar

Sevishganlar.

Xayollar, xayollar ichida mast boʻlib yashaydilar

Sevishganlar.

Xayoldan yaralgan bir goʻzal dunyoga oʻxshaydilar

Sevishganlar.

Balki, ular - roʻyoga aylangan ertaklar,

Koʻngillarni yaxshilik tomonga etaklar.

Axir ular dunyoda baxtiga yetishganlar,

Hayotni ham goʻzal etkaydir sevishganlar.

Naqarot …

Yuraklarida zarracha bir gʻubor yoʻq,

Faqat bir sevgi yonadi misoli choʻgʻ.

Naqarot …