Sevgi vardır ki, dodaqlarda açar güllərin
Sevgi vardır ki, bir az qar kimi, rüzgar kimidir.
Sevgi vardır oxudur qəlbidə bülbüllərini,
Böylə bir sevgi mənim ruhumu oxşar kimidir.
Sevgi vardır üzü xoş, daxili bir qorxulu yar.
Sevgilərdə qarışıq bilməcələr kölgəsi var.
Sevgi vardır ki, uzaqdan bizə parlaq görünür,
Ona yaxlaşmayalım, çünki o zülmətlə dolu.
Sevgi vardır ki, düşər yerlərə daim sürünür,
Öylə bir sevgi də min dürlü xəyanətlə dolu.
Sevgi vardır üzü xoş, daxili bir qorxulu yar.
Sevgilərdə qarışıq bilməcələr kölgəsi var.