سيدنا عيسى [Seedna Issa] lyrics

جالها الأمين جبريل يبشرها

قالتله بس ازاي دا بس مش معقول

مش عارفة إنه ربنا اختارها

وان الجنين دا فى يوم هيبقى رسول

يا مريم ارضي بحكمة المولى

والله دا من رحمته بيكي

وإن جعتي هزي بإيدك النخلة

ينزل رطب علشان يغذيكي

يا مريم ما تخافيش اهدي

ما تدمعيش، دا انتي من المؤمنين

بكرة إبنك يكون بشرى

ونور للعيون ونبي للصالحين

يا ربي طول عمري بحلم أقابل ستنا مريم

وآخد في حضني سيدنا عيسى حبيبى

في الجنة تجمعني بيهم

نفسي أسلم عليهم

يا ربي تجعل لقاهم من نصيبي

(x2)

شافوا الولد ظنوا بمريم سوء

قالت بخوف ساعدني يا ربي

وف لحظة تيجي المعجزة من فوق

ينطق يقول أفديكي يا أمي

وأنا ليكو جاي بمعجزات وآيات

علشان تآمنوا بربكوا ربي

ومعايا بشرى بخاتم الرسالات

نبي اسمه أحمد جاي من بعدي

يا مريم ما تخافيش اهدي

ما تدمعيش، دا انتي من المؤمنين

بكرة إبنك يكون بشرى

ونور للعيون ونبي للصالحين

يا ربي طول عمري بحلم أقابل ستنا مريم

وآخد في حضني سيدنا عيسى حبيبى

في الجنة تجمعني بيهم

نفسي أسلم عليهم

يا رب تجعل لقاهم من نصيبي

(x2)