Sciuur Capitan lyrics

Sciuur capitan, varda scià la mia mann:

ho cupaa un’umbrìa la nòcc de capudann.

L’è staa püssee fàcil che stapà una butèglia,

ma de ’n culp de s’ciòpp in crapa gh’è nissön che se svèglia.

Sciuur Capitan, ho cupaa una persona;

so mea se l’era grama, so mea se l’era bona.

M’han daa mila reson, en trövi neànca vöna.

So che me manca el mè fiöö, so che me manca la mia dona.

Sciuur Capitan, vöri dit la verità:

ghe n’ho piee i ball, e ’l Giuàni l’turna a cà.1

Sun sempru staa a tò urdini e t’ho mai tradii,

però quèsta sira quèsta guèra la m’ha stüfii.

Sciuur Capitan, me paar de vècch frècc;

la guèra la finiss mai, me paar de vegnì vècc.

Crèpum in divisa, vèmm a cà in una bandiera,

e làssum che la moort la vaga in gir in canutiera.

Sciuur Capitan, varda te che irunìa:

la giachèta insanguinada pudeva vèss la mia,

bastava che incuntravi un bastardo cumè me,

inveci che incuntrà chèl poor cìful là là lé.

Sciuur Capitan, varda i mè öcc,

e quèsta tèra in tèra in genöcc.

Sèmm che a cürà el cunfin e pènsum de vèss fort;

el sèmm che per crepaa ghe vör mea el passapórt.

Sciuur Capitan, vöri dit la verità:

ghe n’ho piee i ball, e stasira turni a cà.

Sun sempru staa a tò urdini e t’ho mai tradii,

però quèsta sira quèsta guèra la m’ha stüfii.

Sciuur Capitan, quèsta ché l’è la verità:

sun pròpi stüüf, e stasira turni a cà.

Se vöret iscriv, te regali la mia pèna;

se vöret isparàm, quèsta ché l’è la mia schèna.

Sciuur Capitan, varda scià la mia mann:

ho cupaa un’umbrìa nèla nòcc de capudann.

A l’è staa püssee fàcil che stapà una buteglia,

ma de ’n culp de s’ciòpp in crapa a gh’è nissön che se svèglia.

1. Giuàni {Giovanni} è il soldato che sta parlando nella canzone.