Si veggu a Sassari da luntanu
pari rimunidda ch'in vitrina,
cu lu cori eu la toccu, cu la manu
puru si la veggu in casthurina.
Canti cosi m’ammenta la me ziddai,
cu li làgrimi a l'occi mi ni sogg'andaddu,
eu no cunnosciu più firiziddai
da candu soggu un pòbaru emigraddu.
Di turrà a Sassari no mi pari beru,
di ponì pedi i la me terra,
soggu sempri prighendi a Deu in zeru
chi in Itaria finia chistha gherra.
Di turrà a Sassari no mi pari beru,
di pudemmi andà cantendi i la me vigna.
Si aggiu siguru lu trabagliu
vogliu isthà pa sempri in terra di Saldhigna.
Di turrà a Sassari no mi pari beru,
pignendi soggu in terra furisthera,
figgiuru sempri a te, Sassari, in casthurina
e pa cunsurammi mi basgiu la to bandera.