Սարվորի երգը [Sarvori yergy] lyrics

Ես ձեր լեռների սարվորը դառնամ,

Աղավնաձորով սարը բարձրանամ,

Ոտքերս թրջեմ արծաթե շաղով,

Յա՛ր, գովքդ ասեմ հազար մի խաղով:

Քո սերը երգեմ քաղցրիկ

Սարերում բարձրիկ,

Ուրախ, երջանիկ:

Երգերով արի՛, խաղերդ առնեմ,

Քո սիրով լեցուն տաղերդ առնեմ,

Կապույտ երկնքից քեզ վրա ցողված,

Թուխ-թուխ մազերիդ շաղերը առնեմ:

Ծուփ ծով են դարձել արտերը բերքի,

Մեղմ օրորվում են հասկերը բերքի,

Ամեն սրտի մեջ, ամեն արտի մեջ,

Հնչում են ուրախ երգերը բերքի:

Իմ ջահել սրտին գարունք ես տալիս,

Իմ խաղ ու տաղին ակունք ես տալիս,

Գուսան Աշոտը քո գովքն է անում,

Ձմեռն էլ գարնան բուրմունք ես տալիս: