Ég ekkert heyrt frá þér hef lengi
Heilt ár svo hratt nú liðið er
Ég fagna sjaldan góðu gengi
Allt gekk svo vel er þú varst hér
Þú hefðir kímt að mæðu minni
Því mikil reynist dagleg þraut
Þú töfrum hlóðst allt hérna inni
Þeir eyddust er þú hvarfst á braut
Ég stöðugt svara þarf að leita
Því sonurinn er fróðleiksþrár
Ég dóttur vora virðist þreyta
Því varla kann að greiða hár
Ef Georgie vildi vita meira
Af vörum þínum svarið hraut
Þú hversdagssögur vildir heyra
Allt hljóðnaði er þú hvarfst á braut
Veturinn leið
En skildi eftir tóm
Snjóinn tók upp
En þó bera ekki öll trén blóm
Að þinni ósk enn feta veginn
Þann eina veg sem mér er fær
Þótt flúið geti ei í faðm þinn
Finnst mér óma rödd þín skær
En spurning ein í hugann steypt er
Og svarið hulið þá sem nú
Stundir allar síðan hvarfst mér
Mín spurning, Kate, er
Hvar ert þú?