Salvatore Di Giacomo - Oje Carulì

Caruli', pe st'uócchie nire, nire, nire,

pe sta vócca róssa, tu mme faje murire.

Ma murí nun vòglio, né lassarte maje,

tèngo na speranza ca t'arrennarraje.

Oje Carulí'.

Oje Carulí'.

Oje Carulí'.

Mme vuo' fá’ strùjere accussí?

(coro)

Ména, Carulí'.

Ména, Carulí'.

Ména, Carulí'.

Nun 'o fá chiàgnere accussí.

E l'ammóre è fatto cómm'a na nucélla,

ca, si nun 'a rumpe, nun t'a puó magnà’.

Tu si' tòsta ovèro ma si' tròppo bèlla,

chi t'ha cunusciuta nun te po’ scurdà’.

Oje Carulí.

…………..

'Sta nuttata è dóce, 'sta luna è d'argiènto,

tu mme miétte 'ncróce pe na còsa 'e niénte.

Tutto attuórno canta: Ammóre. Ammóre. Ammóre.

E rispónne, attuórno, ògn'ánema, ògne còre.

Oje Carulí'.

Oje Carulí'.

Oje Carulí'.

Mme vuo' fá’ strùjere accussí?

(coro)

Ména, Carulí'.

Ména, Carulí'.

Ména, Carulí'.

Nun 'o fá' chiàgnere accussí.

E tu, Carulí'.

E tu, Carulí'.

Ména, Carulí'.

Nun 'o fá' chiàgnere accussí.

Ména, Carulí'.

Ména, Carulí'.

Ména, Carulí'.

Nun me fá' chiàgnere accussí.