ويلي ويلي ياصبية
شفيتيني بقيتي فيا
اش رماك على هاذ الهم
وانتيا صغيرة دريا
ويلي ويلي واش جرى لك
ولا الريح اللي جا يديك
لا قلب حنين يخاف عليك
لامن ينصحك بالنيه
ويلي ويلي يا لبنية
كنتي كيف النوارة
دارو بييك قلال النية
كيف الذياب الغدارة
هزي يديك للرب العالي
عالم بحالك وحالي
احكيلو اش جرى لك
ولو ربي توب عليا
راك وليتي وحدانية
مجليا في بلاد بعيدة
خليتي لميمة تبكي
وعلى حالك مريضة
ولتي ليها يام واني
وخا بغيت نشوفك ثاني
فين لوجه باش غادا
نلقاك يا ميمتي سمحي ليا