Yanna dxi ra lidxi jñáa cayaca saa
stí bíche nahuiini cucheela be laa
ládxi duá ruuna ridiiñe ntaa
xhi ndí zanda gúne deguá yuá
Ruxhuí luá lacca naa
yuuba rí ziné ni naa ra bá
ruxhuí luá lacca naa
yuuba rí ziné ni naa ra bá
Diuxi nanna pabiá yuuba nuu ládxi duá
Nin qué guinni xhibiá yuuba rí de naná
má che guuti ni naa, naa má cabeza siá
ca bíche gule niá ti má guseeguá luá
Pa naa ñápa xhiaa nipápa ne ñáa
ñáa ne nuzuguáa ique ramada yaa
raqué zaa zuhuáa denidxii layú
xhiangue sicarú pa ñaca ni sacá
Ti son Mediu Xhiga nuyáa niá Porfiria
irma nuyáa niá laa ti Begua Xhiñá
Bigu Huiini nuyaá niá Floralia
chonna nga bizáana piá ni gule niá
Xcunáa nuyáa niá laa saa rixhidxi xquidxi
má ti Guugu Huiini nga nuyáa niá jñáa
dede ra nidxága, dede ra má ñába
ra ñába que ñáte, sacá ruxhuí luá
Má biaaze gubidxa, saa nuu rú caxhidxi
ni nuu rú naguidxi laaca nga guyaa
ruluí pé cayúuya ca stiáya naxhudxi
guiidxi ca xhuaa cubi cusiaa cabe laa
Neca ni cuxhidi guirá má naxhudxi
cayaca ca ridxi uxhidxi ca son yá
naa laa ruxhuí luá deguirá nga cayaca
pa ñánda nucáa xhiaa, nipápa ne ñáa
Má bíinda biá guunda, yanna laa má cháa
má biiya tu bénda ne rarí nga nuáa
dxi ganna tu gúte ra nuáa deguá yuá
laguiní né Diuxhi cuu be naa guibá
rinába ca bíche cani gule niá
gana xhii ca laaca, gana xhii ca jñáa.