ساعات...ساعات
ساعات...ساعات
أحب عمري و أعشق الحاجات
أحب كل الناس
و أد ايه احساس!
و احس جوايا بميت نغم
ميت نغم يملوا السكات
ساعات .. ساعات
ساعات ...ساعات
أحس أد ايه وحيدة
و أد ايه الكلمة في لساني مهيش جديدة
و أد ايه منيش سعيدة
و ان النجوم بعيدة
و ثقيلة خطوة الزمن
ثقيلة دقة الساعات
ساعات...ساعات
أضحك و ألعب زي عصفورة ربيع
زي النسيم ما يعدي و في لحظة يضيع
أفرح قوي ..و أضحك قوي قوي
و أحب عمري و اعشق اليوم اللي فات
ساعات ...ساعات
غريبة ..و غريبة
نفس اللي بيفرحني ما يفرحني
و غريبة
نفس اللي يريحني ما يريحني
و احس ان عمري فات
من غير ما احب عمري و اعشق الحاجات
كدة ساعات
و كدة ساعات
و غريبة..غريبة دقة الزمن
و غريبة غريبة ..لعبة الساعات
ساعات...ساعات