Pitzinna istes in domo
fintzas a sas batoro,
in fora b'est sa Mama 'e su sole.
A chent'ottanta grados,
ruju che una cariasa,
ti poden salvare solu sos chercos.
Andamus a dromire,
amus a iscurtare
chigulas chertende in mesu a unu melu,
su coro 'e Limbara chi alenat in su chelu.
Iscur'a tie, iscur'a chie
non creet in sa Mama 'e su sole.
A mesudie, beranu e istiu,
in fora b'est sa Mama 'e su sole.
Pitzinnu istes in domo
e tanca sas ventanas,
in fora b'est sa Mama 'e sa luna.
A chent'ottanta grados
gialla che unu limone,
ti poden salvare solu “sos ferros”.
Andamus a dromire,
amus a sonniare
un'àteru tempus, un'àtera vida
cand'onzi pitzinnu, unu pitzinnu, fit.
Iscur'a tie, iscur'a chie
non creet in sa Mama 'e su sole.
Iscur'a tie, iscur'a chie
non creet in sa Mama 'e su sole.