Sóngo venuto lyrics

Sóngo venuto, bèlla, p'accattare

chisti duj' uócchie ca 'nfrónte tenite,

ma nun m'aggio purtato li denare

pecché nun saccio 'o prèzzo che facite!

Me l'hanno ditto, ca 'e vvennite care!...

Jate dicènno, quanto nne vulite?

Tenite séte ca nce vo' lu mare?

Va, stu penziéro nun v'annascunnite!

Sóngo venuto da luntano assaje

e, pure si vulite 'o munno d'òro,

cu 'e mmane 'mmano nun ce tòrno maje!

- Va, ca nun simmo 'e prèzzo, bèllo mio! -

me dicètt'éssa, e 'e spalle m'avutaje

- ll'uócchie miéje me li vvéngo a chi dich'io! -