Sаğındım Senі [Сағындым сені] [Transliteration]

Сағындым, сені сағындым,

Шуағы сенсің бағымның!

Куәсі сенсің, махаббат шағын,

Армансыз алау шағымның.

Аяулы асыл тілектің,

Нұрындай солмас гүл ектің.

Қабыл ал құстай ән болып ұшқан,

Сағыныш сырын жүректің.

Сағындым мөлдіреген көзіңді,

Сағындым елжіреткен сезімді.

Сағындым, сенің сағындым мен,

Аяулы сол бір ерке кезіңді. (2х)

Жеткізер бізді жол қашан?

Таусылмас жырым толғасам.

Көңілім алаң, мұңайып қалам,

Қасымда бір сәт болмасаң.

Сағындым мөлдіреген көзіңді,

Сағындым елжіреткен сезімді.

Сағындым, сенің сағындым мен,

Сағынып жүрек езілді. (3х)