S'anzoneddu [Spanish translation]

Zertu no est istadu zenerosu

su distinu - raju! - cun s’isposu:

unu corfu ‘e balla in mesu ‘e fronte

heris a sa festa de su monte.

Fortzis in cust’ora malaita

b’at chie ja est pessende a sa venditta:

fortzis su chi juches in sa brente,

dedda, dedda, isposa mea caente.

Millu, millu, millu s’anzoneddu,

fizu, coro’ e mama, s’iscureddu!

Su chi no la pessat gai est su cane:

issu l’at connotu su marjane.

Millu, millu, millu s’anzoneddu:

battor istocadas de corteddu.

Tando est cumbinadu chi un anzone

gai at iscannadu una pessone.

Fizu, fizu, fizu de su coro,

beni a inoche fizu, pilos d’oro.

A doic’annos s’anzoneddu ‘e mama

juchet ja de s’homine sa fama.