ରୂପ ହୋଇଥିବ ଲାବଣ୍ୟବତୀ [Rupa hoithiba labanya bati] [Transliteration]

ରୂପ ହୋଇଥିବ ଲାବଣ୍ୟବତୀ

ଗୁଣରେ ଲାଜୁକି ମଉନାବତି

ଏମିତି ଯଦି ମିଳିବ ସାଥି

ମଧୁ ବରଷିବ ରାତି, ରାତି

ରୂପ ହୋଇଥିବ ଲାବଣ୍ୟବତୀ

ଗୁଣରେ ଲାଜୁକି ମଉନାବତି

ଏମିତି ଯଦି ମିଳିବ ସାଥି

ମଧୁ ବରଷିବ ରାତି, ରାତି

ରୂପ ହୋଇଥିବ ଲାବଣ୍ୟବତୀ

ରଚିବି ଏକ ଛୋଟ ଘର, ସପନ ଛୁଆଁ ଦେଇ

ଆକାଶ ହେବ ଅଗଣା ମୋର, ତାରା ଫୁଲରେ ଛାଇ

ରଚିବି ଏକ ଛୋଟ ଘର, ସପନ ଛୁଆଁ ଦେଇ

ଆକାଶ ହେବ ଅଗଣା ମୋର, ତାରା ଫୁଲରେ ଛାଇ

ଜୋଛନା କହି ଝରୁଥିବ, ପ୍ରୀତି ଦିଉଷ ହୋଇ

ମଳୟ ନୀତି ବହୁଥିବ ପ୍ରିୟା ପଣତ ଛୁଇଁ

କେତେ ଯେ ଜହ୍ନ ରାତି

କେତେ ଯେ ଜହ୍ନ ରାତି

ବାହୁରେ ମୋ ଝୁଲୁଥିବ, ଫୁଲ ଝୁଲଣାରେ ଫୁଲ ମୋତି

ରୂପ ହୋଇଥିବ ଲାବଣ୍ୟବତୀ

ଫଗୁଣ ସାଜି ଦେବ ମୋର ପ୍ରିୟାକୁ ରଙ୍ଗେ ଭରି

କୋଇଲି ତାକୁ ଆଣିବ ଡ଼ାକି ପାସେ ମୋ ଥିରି-ଥିରି

ଫଗୁଣ ସାଜି ଦେବ ମୋର ପ୍ରିୟାକୁ ରଙ୍ଗେ ଭରି

କୋଇଲି ତାକୁ ଆଣିବ ଡ଼ାକି ପାସେ ମୋ ଥିରି-ଥିରି

ପିନ୍ଧାଇଦେବି ହାତେ ତାର ସୁହାଗ ଶଙ୍ଖା, ଚୁଡ଼ି

ସେ ଚୁଡ଼ି ସାଥେ ବାନ୍ଧିଦେବି ମୋ ଜୀବନ ଡୋରି

ଲାଜେ ସେ ମଥା ପୋତି

ଲାଜେ ସେ ମଥା ପୋତି

ଚୁପି-ଚୁପି ହସୁଥିବ

ଝରିପଡୁଥିବ ହୀରା, ମୋତି

ରୂପ ହୋଇଥିବ ଲାବଣ୍ୟବତୀ

ଗୁଣରେ ଲାଜୁକି ମଉନାବତି

ଏମିତି ଯଦି ମିଳିବ ସାଥି

ମଧୁ ବରଷିବ ରାତି, ରାତି

ରୂପ ହୋଇଥିବ ଲାବଣ୍ୟବତୀ