Ruhe vor'm Sturm [German translation]

Benn ich nur ahm dräume, oder ess dat wirklich wohr,

dat die Weiche längs jestellt un alles unaufhaltsam rollt?

Skrupellose Bauernfänger, weltweit ahn der Macht,

schwarmdemente Spießer hann se brav dohinjebraat.

Angst die verblendet, verblödet un manipuliert.

Nötzliche Idiote, ignorant un ohne Plan,

demagogisch verführt

zu Hass un Rassenwahn.

Panik, se köhme zo koot,

föhlen sich ständisch bedroht,

mitleidlos, ir`ndwie verroht.

Et jitt Minsche, die jammern op hohem Niveau.

Spürs du die Ruhe vor`m Sturm?

Kütt dir nit ir`ndjet bekannt vüür?

Seltsame Ruhe vor`m Sturm.

Do woor doch jet, schon ens:

Ruhe vor`m Sturm.

Räächte Pharisäer, scheinheilisch un feist,

prädije Barbareie, radikal jeschmacksbefreit.

Schweinebauchverkäufer, miese Package-Deals,

Inflation der Bilder, gute Mine, böses Spiel.

Lüje fleeje un die Wahrheit humpelt hingerher.

Die schlemmste Lüje sinn die, wo mer selver draan jläuv.

Ich kumm mir vüür wie`ne Kreisel,

dä rotiert, bess`e fällt.

Zeitgeist, zum Monster mutiert,

erntet jetz wat`e jesäät.

Fake-News, jezielt ennjesetz,

Algorithme, Twitter, alternative Facts,

Spürs du die Ruhe vor`m Sturm?

Kütt dir nit ir`ndjet bekannt vüür?

Seltsame Ruhe vor`m Sturm.

Do woor doch jet, schon ens.

Kütt dir nit irjendjet bekannt vüür,

do woor doch jet, domohls.

Dä Himmel stockfinster, naachschwazze Samt.

Et weed immer schwööler, `ne Bletz zuck un dann

dä Donnerschlaach, als wööt jet jesprengk,

dann dä Sturm un dä Rään un die Schreie,

die Luff rüsch versängk.

Spürs du die Ruhe vor`m Sturm?

Kütt dir nit ir`ndjet bekannt vüür?

Perfekte Ruhe vor`m Sturm.

Do woor doch jet, schon ens.

Kütt dir nit irjendjet bekannt vüür,

do woor doch jet, domohls.