ראזשינקעס מיט מאנדלען [Rozhinkes mit mandlen] [Transliteration]

אין דעם בית המקדש

אין א ווינקל חדר

זיצט די אלמנה בת ציון אליין

איר בן יחיד’ל יידעלע’ן

וויגט זי כסדר

און זינגט אים צום שלאפן א לידעלע שיין

איי, איי, איי……..

אונטער יידעלע’ס וויגעלע

שטייט א קלאר ווייס ציגעלע

דאס ציגעלע איז געפארן האנדלען

דאס וועט זיין דיין בארוף

ראזשינקעס מיט מאנדלען

שלאף’זשע יידעלע שלאף

אין דעם לידל, מיין קינד

ליגט פיל נביאות

אז דו וועסט אמאל זיין צוזייט אויף דער וועלט

א סוחר וועסטו זיין

פון אלע תבואות

און וועסט אין דעם אויך פארדינען פיל געלט

איי, איי, איי……..

אונטער יידעלע’ס וויגעלע

שטייט א קלאר ווייס ציגעלע

דאס ציגעלע איז געפארן האנדלען

דאס וועט זיין דיין בארוף

ראזשינקעס מיט מאנדלען

שלאף’זשע יידעלע שלאף

שלאף’זשע יידעלע שלאף!