روحي بلقاك [Roohy Bilqak] lyrics

روحي بلقاك تفز فزة حمامه

وتحوم حولك من غلاك واملها

يا لين من نضرة غلا وابتسامه

ترد روحي الغاليه في محلها

يكفي فضى صدري فؤادن غرامه

يحمل محبة انسى تلقى مثلها

يعني إذا قلت احصي شوقه وهيامه

تقدر تقول بكثر هالدنيا كلها

أهواك وأرسم للتعجب علامة

كلما بنورك عيني خطت كحلها

واسأل هواك إلي عظيم مقامة

هل خلى فيني ذرة ما وصلها

رح للقصيد ودور اعذب كلامه

وان جبت كلمة توصف احساسي كلها

دام اعجاز تلكالي وصفي وما دامه

حبك يسد بلاد ويكفي أهلها

اشكر هواك الي غمرني اهتمامه

واشكرها روحك يالي من طيب اصلها

سوت على عمري وعمرك غمامه

تمطر احاسيس وينبت غزلها

امنتك على راسي اشيل احترامه

واعطية من ايام عمري عسلها

لان مدام انت بخير وسلامه

ماريد اي حاجه من الدنيه كلها