Romance de Paris [Breton translation]

En em garout a raent abaoe daou zevezh a-vec'h,

bez' ez eus a-wechoù eürusted e-barzh ar boan.

Hogen abaoe ma oa bet piket o c'halonoù

ne oa ket reuzeudik o flanedennoù ken.

Bevañ a raent gant un huñvre iskis,

ha glas-oabl oa an huñvre-se evel an aelez:

un nevez-amzer wirion oa o c'harantez, ya-vat,

ken glan hag o ugent vloaz tener.

(Diskan:)

Ar werz-dener a Bariz eo homañ,

bleuñviñ a ra e korn ar ruioù,

lakaat a ra e-barzh kalonoù an amourouzed

un tammig a huñvre hag a oabl glas.

An diskan flour-se diouzh ar fabourzhioù

a gomz ken bravik eus karantez

ma vez touellet pep hini:

Ar werz-dener a Bariz eo homañ.

O zachenn 'oa ar vannlev,

loc'hañ a raent en diwezh-sizhun

d'ar c'hoadoù evit kutuilhañ louzaouennoù an hañv,

pe war ur bark evit bageal.

Evañ a raent ivez e-barzh tavarnioù dañs1

gwin wenn a laka ar penn da vezviñ,

ha pa bokent an eil d'egile, ya-vat,

an holl goubladoù a lâre en ur zañsal:

Ar werz-dener...

Amañ e ra ma istor he diwezh.

Daoust hag e vo diaes deoc'h ma c'hrediñ

mar kontfen en em garjont bemdez,

hag e kozhjont gant o c'harantez tener;

e savjont un tiegezh dispar,

o devoe bugale dudius-kenañ,

hag e tremenjont bravik, dianavez, ya-vat,

o vont kuit en hevelep giz ma oant arruet.

1. "Guinguettes" e Galleg.