Rollbrett

Dä kleine, decke Dieter sät zo singem Pap

Pap ich muß e Rollbrett han

Weil mer met dem Dingen schneller,

Vill schneller al op Rollschoh fahre kann

Nix, sät do d'r Pap

Do häs doch schon e Kettcar un en Carrerabahn

De Mam, die jrad am büjele wor

meint: dat fange mer janit eets an

meint: dat fange mer janit eets an

Dä kleine decke Dieter hing am nächste Dach

Bei singem Pap im Hobbykeller drin

Un bovven en d'r Kösch fröch et Claudia de Mam

Mam, häs do ming Rollschoh nit jesin

Nä, sät do de Mam

Sach mer leever wo dat kleine Büjelbrett lit

Do röf d'r Dieter vun d'r Stroß erop

Ich han jet Neues, Claudia fahr met

Ref:

Komm loss jon, loss mer Rollbrett fahre

Komm loss jon, loss mer Rollbrett fahre

Komm loss jon, loss mer Rollbrett fahre jon (2X)

Met uns'em Rollbrett jöcke mer de Stroß eraf

Un jare links un rächs öm de Eck

Un wenn de ens de Kurv nit kriss

Dann lis de met d'r Nas em Dreck

Ref: (1x)

De Mam kom volljepack vum Supermarkt heim

Do schoß dat Rollbrett öm de Eck

Met dem kleine Dieter un dem Claudia

De Mam, die wod janz stief vör Schreck

Paaf, do floch se dann

Met Eier, Äppel, Kappes un dem janze Miss.

Ihr hat se wohl nit all, ich han de Nas jetz voll

Dat saren ich dem Pap, dann jit et Driss.

Dat saren ich dem Pap, dann jit et Driss.

Ref: (2x)

Met uns'em Rollbrett jöcke mer de Stroß eraf

Un jare links un rächs öm de Eck

Un wenn de ens de Kurv nit kriss

Dann lis de met d'r Nas em Dreck

Ref: (2x)