ڕۆژی ته‌ره‌ب [Rojî Tereb] lyrics

ڕۆژی ته‌ره‌ب و فه‌سڵی گوڵ و وه‌ختی به‌هاره‌،

یاران گوڵه‌که‌م، کوا که‌ ده‌می بۆس و که‌ناره‌،

گوڵزاری ئیره‌م سووره‌تی زیبای قه‌دی تۆیه‌،

گۆشه‌ی چه‌مه‌ن و ڕوویی گوڵ و پایی چناره‌،

بنواڕه‌ له‌ بۆ حه‌ڵقه‌یی زوڵفت له‌ سه‌ری کوڵمه‌،

دره‌فشی دره‌خشانییه‌، نیوه‌ شه‌وی تاره‌،

به‌و زوڵف و موژه‌ت مه‌مکوژه‌ هه‌رده‌م به‌ جه‌فایێ،

جارێ له‌ ته‌نافم مه‌ده‌، سه‌د جار له‌ قه‌ناره‌،

تیری موژه‌که‌ت قاتڵه‌ هه‌رده‌م به‌ به‌ڵایێ،

دایم له‌ دڵی خه‌سته‌دڵان پێکی، چوماره‌،

سووتاو و بریندارم و سه‌ودایی و مه‌ستم،

به‌و په‌رچه‌م و ئه‌گریجه‌و و به‌و چاوه‌ خوماره‌،

ئه‌و خاڵه‌ له‌ سه‌ر لێوته‌ جانا، چییه‌ فه‌رموو!

جێی ماچی له‌بی تاهیره‌ نیشانه‌یی پاره‌.