Roberto Murolo - Tammurriata nera

Io nun capisco 'e vvote che succere,

e chello ca se vere nun se crere.

E' nato 'nu criaturo, è niro, niro,

e 'a mamma 'o chiamma Ciro,

sissignore, 'o chiamma Ciro.

Seh, vota e gira, seh

seh, gira e vota, seh

ca tu 'o chiamme Ciccio o 'Ntuono,

ca tu 'o chiamme Peppe o Ciro,

chillo 'o fatto è niro niro, niro niro comm'a cche!

'O contano 'e cummare chist'affare

sti fatti nun so' rare, se ne vedono a migliare.

'E vvote basta sulo 'na guardata

e 'a femmena è rimasta sott' 'a botta 'mpressiunata.

Seh, 'na guardata, seh

seh, 'na 'mprissione, seh

va truvanno mò chi è stato

c'ha cugliuto buono 'o tiro

chillo 'o fatto è niro niro, niro niro comm'a cche!

E dice 'o parulano: embè, parlammo,

pecché si arraggiunammo chistu fatto ce 'o spiegammo.

Addò pastin' 'o grano, 'o grano cresce

riesce o nun riesce, semp'è grano chello ch'esce.

Meh, dillo a mamma, meh

meh, dillo pure a me

conta 'o fatto comm'è ghiuto

Ciccio, 'Ntuono, Peppe o Ciro

chillo 'o fatto è niro niro, niro niro comm'a che!

Seh, vota e gira, seh

seh, gira e vota, seh

ca tu 'o chiamme Ciccio o 'Ntuono,

ca tu 'o chiamme Peppe o Ciro,

chillo 'o fatto è niro niro, niro niro comm'a cche!