Rindê lyrics

Di çavên te de yaqût hene

Yantar hene li çavên te?

çavên te cothebikên durran,

Heliyame li nava hebên te.

çavên te şîn, binefşên geş,

Dêmên berfî dane der,

Birû û baskên kevotka kej,

Kêr û kevan bûne li ser.

Eniya eyne bi xem, xerêq

Hela nebûye xet û xaz,

Kê xwe di navê de mêze dike,

Dibe xortê bermiraz.

Guhên gulîn, şêbiskên zer

Lê penc bûne nolî tav,

Bêhn û bihuşt, misk û ember

Davê’ ji xal û xebxeb.

Rindê, bûyî xeber û behs,

Wey li halê min bikirrçî.

Bihar î tu, havîn im ez,

Ber bi te têm, tu diçî.