[Refr.:]
Mam, Mam, schnapp d'r de Pann,
Mir wolle Rievkooche han.
Mam, Mam, fang doch flöck an,
Fuffzehn Stöck pack op d'r Mann.
Rievkooche, dat es en Delikatess,
Die schmecken am allerbess,
Un kriste noher jet Buchping, oh jös,
Do lähste dich flöck en de Kess.
Wer Rievkooche eins hät erfunge,
Dat wor 'ne Erfinder janz jroß,
Denn dat es ihm joot jelunge,
Och wenn et jet Öl hät jekoss.
Wat sulle mer met Austern un Schnecke,
Wat sulle mer met Spaghetti un Schlot.
Mer lossen uns Rievkooche schmecke,
Un maachen uns flöck e paar parat.
[Refr.]
Ich jing eines Fridachs durch Kölle
Leev Lückcher, do wor jet los.
Ich kann et üch joot verzälle
Noh Rievkooche roch jede Stroß.
Frau Böllmann, die wor fies am schänge,
Die Katz froß de Rievkooche op.
Frau Schmitz wor de Deich noch em menge,
Do reef schon der allerkleinste Stropp:
[Refr.]