Restu cca lyrics

Nun mi cuntari lu tò lamentu

Nun mi siddiari, ca nun ti sentu

È già tant'anni ca mi turmenti

Li stissi storii, lu stissu nenti

Ma chi mi cunti, ti nni vò iri

Poi ti nni penti e vò ristari

Restu cca

La stidda dintra l'occhi nun mi l'ha stutari

Restu cca

La musica chi cantu nun mi l'ha stunari

La luna chiana e 'nsina a la matina resta cca

Restu cca

La navi affunna ccu li marinari

Terra di foddi e di viulenti

Terra 'n putiri di li briganti

Nun mi spiari si c'è spiranza

Si voi ti 'mprestu la me' gnuranza

Unni mi scura forsi m'agghiorna

Robba ricamu ppi ccu nun torna

Restu cca

La stidda dintra l'occhi nun mi l'ha stutari

Restu cca

La musica chi cantu nun mi l'ha stunari

E la muntagna brucia, eppuru a nivi è sempri dda

Restu cca

Li figghi muti a matri li sapi capiri

Chisti su tempi (nun mi cuntari)

Ricchi di lupi (lu tò lamentu)

Semu di pezza (nun mi siddiari)

Comu li pupi (ca nun ti sentu)

Mi manca l'armu (è già tant'anni)

E la valia (ca mi turmenti)

E ccu mi tocca (li stissi storii)

M'allurdia (lu stissu nenti)

Sugnu di sali (ma chi mi cunti)

Menzu animali (ti nni vò iri)

Aceddu stranu (poi ti nni penti)

Sicilianu (e vò ristari)

Restu cca

Ppi ccu mi voli sentiri cantari

Restu cca

La casa è sula e mi tocca abbaiari

Unni lu malutempu dura tuttu u tempu è sempri cca

Restu cca

L'ossa de' ficurinia nun mi li sputari