Resistiré [Esperanto translation]

Kiam ĉiujn ludojn mi malvenkos

Kaj mi dormos sola sur matrac’

Kiam la elira pordo mankos

Kaj min trafos nokto for de l’ pac’

Kiam min timigos la silento

Kiam stari eblos jam ne plu

Kiam ektumultos rememoroj

Kiuj premos min kontraù la mur’

Rezistos mi, memstare malgraù ĉio

Mi ŝirmos min sub haùto fortiĝinta kiel fer’

Eĉ se la ventoj de la vivo blovos forte

Mi kiel junko kliniĝema restariĝos kun fier’

Rezistos mi, por teni min plu viva

Eltenos mi la batojn kaj rezignos tute ne

Eĉ se la revoj disrompiĝos en mil pecojn

Rezistos mi, rezistos tre

Kiam regos mondo sen magio

Kiam mi malhelpos al mi mem

Kiam min ponardos nostalgio

Kaj mi gapos antaù mia ĝem’

Eĉ se preskaù tuŝas mi frenezon (1)

Eĉ se dorse falos la moner’

Kiam la destin’ postulos prezon

Aù se mankos vi en la vesper’

Rezistos mi memstare malgraù ĉio

Mi ŝirmos min sub haùto fortiĝinta kiel fer’

Eĉ se la ventoj de la vivo blovos forte

Mi kiel junko kliniĝema restariĝos kun fier’

Rezistos mi, por teni min plu viva

Eltenos mi la batojn kaj rezignos tute ne

Eĉ se la revoj disrompiĝos en mil pecojn

Rezistos mi, rezistos tre

(1) Originale: Eĉ se min minacos la frenezo.

Ŝanĝita por pli bona rimo