Canta Napoli!
Questa è una canzonetta
che si può ballare e si può anche ascoltare.
Oppure, se non volete sentire, chiudete la radio
pecché a me nun me passa manco p'a capa.
Tenévo 'na pacióna 'e 'nnammurata,
Affeziunata, sémprice e gentile.
Doppo tre anne 'a capa ll'è avutata
E ll'è venuto 'o sfizio 'e mme lassà.
Stó cóntro a ttutt' 'e ffémmene
pe' chésta 'nfamità
E 'na vendétta néra vòglio fà:
Mm'ho cómprato nu mandulino
E mme métto fòr' 'o balcóne.
Quanno passa 'na signurina
Io lle faccio 'n'accòrdo in "Fa".
Po' lle canto chistu sturnèllo
Ch'è capace d' 'a 'ntussecà:
Fli-ppò, Fli-ppò,
Fli-ppò, Fli-ppò,
Fiore di primavera!
La donna tiene i peli sopra il cuore
Nun mm' 'a pigliasse pe' mugliera
nemméno se me l'órdina 'o duttòre!
Paròla mia,
Paròla mia d'onóre!
Diceva: "Tu sì tutt' 'o còre mio
ma si mme lasse tèng' 'o vetriuólo!"
Po' mme guardava 'mmócca pe' gulio,
'A 'n'atu mése avevam' 'a spusà.
Nèh, chélla 'o juórno quìnnece
Mme dice chésto a mme
E 'o sìdece… nun se fa cchiù abbedè.
E pe' chésto c'o mandulino
Io mme métto for' 'o balcóne.
Quanno passano 'e ssignurine
Lle cumbino 'n'accòrdo in "Fa".
Po' lle canto chistu sturnèllo
Ch'è capace d'e 'ntussecà:
Fli-ppò, Fli-ppò,
Fli-ppò, Fli-ppò,
Fiore di primavera!
La donna dice: "Una capanna e un cuore"
Ma quanno véde 'e ccarte 'e mille lire
Se métte pure cu 'nu scupatóre.
Parola mia,
Parola mia d'onóre!
Fli-ppò, Fli-ppò,
Fli-ppò, Fli-ppò,
Fiore di primavera!
Chist'è 'nu matrimmònio per amóre,
Però, mio caro sposo, sta' sicuro
C'a San Martino vaje a fà 'o prióre!
Paròla mia,
Paròla mia d'onóre!