رجعوا التلامذة
يا عم حمزة للجد تانى
يا مصر انتى اللى باقية
و انتى قطف الامانى
لا كورة نفعت و لا أونطة
و لا المناقشة و جدل بيزنطة
و لا الصحافة و الصحفجية
شاغلين شبابنا عن القضية
قيمولنا صهبة يا صهبجية
و دوقونا طعم الاغانى
رجعوا التلامذة للجد تانى
طلعوا التلامذة ورد الجناين
اسمع يا هيكل و شوف و عاين
ملعون ابوك ابن كلب خاين
يا صوت اميركا يا امريكانى
رجعوا التلامذة يا عم حمزة
للجد تانى