روّح وروح، ابعد بدنياك
يا متعبٍ قلبي بصدك
الدرب لي ضحّكك بكاك
موت وتكوّى بنار حقدك
كم في العذارى ناس شرواك
بحر الجمال يفوق مدك
واليوم لي بيصير وياك
باكر مع الأيام ضدك
تذكر زمانٍ كنت أهواك؟
أنت الوحيد ومين قـدك
ودك أدور غير لقياك؟
ودك أدور غير ودك؟
أنا نسيتك قبل لأنساك
حتى خفوقي اليوم هدك
بكل صراحة، وأتحداك
واقف مكانك عند حدك
لقياك أصبح مثل فرقاك
والبحر مده غيـر مدك
والدرب لي ضحّكك بكاك
موت وتكوّى بنار حقدك
روّح وروح ابعد بدنياك
يا متعبٍ قلبـي بصدك
والدرب لي ضحّكك بكاك
موت وتكوّى بنار حقدك