Va cu'tté 'stu core amato
pe' 'sta via ca porta a mare.
Llà sta Napule allummmato.
Mo ca scinne chesti ggrare
vide 'o mare accumparé.
Spanne ll'aria nu sapore
d'erba 'e scoglie e de magnà'.
Na cantina 'e piscatore tene
'o lume pronto già.
Fuoco e zuccaro 'o mellone,
ce stennimmo 'nterr'à rena.
Neve 'e 'spirinia* 'int' 'o giarrone,
'ncielo 'e stelle e 'a luna chiena.
Ritornello:
E io canto: "Qui fu Napoli".
Nisciuno è meglio 'e me.
Dimane penzo è diebbete,
stasera sò' nu rre.
Sentarraje 'ncopp'a la rena
voce a stesa 'e marenare:
"Tira, ohé, ch' 'a rezza vène".
"Forza, ohé, ch'aònna 'o mare".
"Tira, arranca, venga a me".
Cu chitarre e lume a giorno
na varchetta passa e va.
Rossa e verde è ll'acqua attuorno,
tu nun guarde pe' guardà.
E' i' te vaso 'sta vuchella
cu cchiù sfizio e passione.
'Sta vuchella sciulliarella
'nfosa 'e vino e de mellone.
Ritornello:
Vintun'ore, ccà vicino,
nu rilorgio ll'ora sona.
Forse è 'ammore, forse è 'o vino.
'Sta facella s'abbandona,
tu t'adduorme 'mbracci'a me.
Pe' cuperta tiene 'e stelle,
pe' cuscino chistu core.
Nonna, nonna a st'uocchie belle
sò' sti vvoce 'e piscatore.
Dint' 'o suonno, smaniosa,
mo mme vuò, mo mme ne cacce.
Po' te scite e, vrucculosa,
t'annascunne 'int'a sti bbracce.
Ritornello: