Vi fàcenu un surrisu
È pòsanu una cria
In lu so paradisu
Ci manca qualchisìa
S'invèntanu l'amore
E sere senza cena
Una làcrima corre
S'addurmèntanu à pena
Vi pìglianu a manu
Li si pare di tene
Un frisgiu di veranu
Un filucciu d'avvene
A soia a furtuna
S'hè frusta in la memoria
È solu un chjar' di luna
Appacia la so storia
Vi dìcenu i secreti
Ch'elli pòrtanu in core
Si fàcenu discreti
Quand'ellu ci vole à more
Un ghjornu si ne vanu
Nisunu l'accumpagna
Quallà a cunteranu
A soia a cuccagna
È noi ùn li vidimu
È noi ùn li sentimu
È noi chì ne dimu
Di quelli chì
Quelli chì ùn anu à nimu
Quelli chì ùn anu à nimu
Quelli chì ùn anu à nimu ...