Quanno passate vuje [Italian translation]

Quanno passate vuje, passa cantanno

st' ànema mia ca córre appriésso a vvuje,

e dice ô còre: Scòrdate l' affanno,

e currìmmole appriésso tutt'e dduje!

Ma 'o còre lle rispónne suspiranno

ca vui currite tròppo e nun sentite,

e, 'a gelusia attuórno semmenanno,

vuje tròppa ‘mpesa e malamènta site!

E quanno ve fermate a la funtana

pure ll' acqua ve canta na canzóna!

E quanno sòna a ffèsta la campana,

sòna pe vuje, e sèmpe a gglòria sòna!

Ma quanno 'mpiétto ve mettite 'a mana,

giacchè d' ògne buscìa ve rendennite,

no, nun ghiurate, oi bòna crestiana!

Nisciuno créde ca sincèra site...