Quan vei la lauzeta mover lyrics

Quan vei la lauzeta mover

De joi sas alas contra ‘l rai

Que s’oblid’e’s laissa chazer

Per la dosso c’al cor li vai,

ai tan grans enveya m’en ve

de cui qu’eu veya jauzion,

meravilhas ai, car desse

lo cor de dezirer no’m fon.

Ai las! Tan cuidava saber

d’amor e tan petit en sai!

Car eu d’amar no’m posc tener

Celeis don ja pro non aurai.

Tout m’a mo cor, e tout m’a me,

E se mezeis’e tot lo mon;

e can se’m tolc, no’m laisser re

mas desirer e cor volo.

Anc non agui de me poder

Ni no fui meus de l’or en sai

Que’m laisset en sos olhs vezer

En ub miralh que mout me plai.

Miralhs, pus me mirei en te,

m’an mort li sospir de preon,

c’aissim’ perdei com perdei se

lo bel Narcisus en la font.

De las domnas me desesper

Ja mais en lor no,m fiarai;

c’aissi com las solh chaptener,

enaissi las dechaptenrai.

Pois vei ch’una pro no me’n te

Vas leis que’m destrui e’m cofon,

totas las dopt’e las mescre,

car be sai’c’atretals se son.

D’aisso’s fa be femna parer

Ma domna par qu’elh a retrai,

car no vol so co’m deu voler,

e so c’om li deveda fai.

Chazutz sui en mala merce

Et ai be faih co’l fols en pon;

E no sai per que m’esdeve,

mas car trop puyei contra mon.

Merces es perduda, per ver

Et eo non o saubi anc mai

Car eilh qui plus en degr’aver,

No’n a ges; et on la querrai?

A! Can mal sembla, qui la ve,

qued aquesta chaitiu deliro

que ja ses leis non aura be,

laisse morir, que no l’aon.

Pus ab midons no.m pot valer

Precs ni merces ni.l dreihz qu'eu ai,

Ni a leis no ven a plazer

Qu'eu l'am, ja mais no.lh o dirai.

Aissi.m part de leis e.m recre;

Mort m'a, e per mort li respon,

E vau m'en, pus ilh no.m rete,

Chaitius, en issilh, no sai on.

Tristans,ges no,m’auretz de me

qu’eu m’en vau, chaitius no sai on.

De chanter me gice’m recre,

e de joi e d’amor m’escon.