Psalm 149 lyrics

{א} הללויה שׁירו ליהוה שׁיר חדשׁ תהלתו בקהל חסידים:

{ב} ישׂמח ישׂראל בעשׂיו בני ציון יגילו במלכם:

{ג} יהללו שׁמו במחול בתף וכנור יזמרו לו:

{ד} כי רוצה יהוה בעמו יפאר ענוים בישׁועה:

{ה} יעלזו חסידים בכבוד ירננו על משׁכבותם:

{ו} רוממות אל בגרונם וחרב פיפיות בידם:

{ז} לעשׂות נקמה בגוים תוכחת בלאמים:

{ח} לאסר מלכיהם בזקים ונכבדיהם בכבלי ברזל:

{ט} לעשׂות בהם משׁפט כתוב הדר הוא לכל חסידיו הללויה: