Pronto, a signora Maria Pagano?
Songh'io, so' Ciruzzo, 'o figlio vuosto
(Cirù, a mammà, parla, songh'io, so' mamma tuoja)
Mammà, e comme faccie a ve chiammà mammà?
A cancillaje pe' sempe a rint'o core mio
Chesta parola doce
Ca pe' mme sulo sape e 'nfamità
A che so' nato, mai 'nu raggio e sole
E sulo tu, mammà, stive vicino
Sempe vicino a me, ca so' cicato
E si verévo, oj mà
Erano l'uocchie tuoje a farme vedè
Pronto, pronto, mammà?
Si ti chiammo e te prego
Si ti dico: "Tuorn'a casa"
Si me scuordo e tutt'o male
Ca faciste chella sera
Nun è pe' mme... ma pe' papà
Chist'ommo, puvuriello
Ca nun si m'borta 'e niente
Chello ca dice 'a gente
Basta ca tuorne a casa a c'abbraccià
E nun parlà, nun dicere addò staje
E che staje facenne
Povero padre mio, se sta accirenno
Sta rint'a 'na cantina a se m'briacà
Pe se scurdà 'sta nera 'nfamità
E tene rotte a sanghe chelli mmane
Pinsava a faticà pe' mme e pe' tte
Ma tu 'o lassaste senza 'na parola
Pecché l'hai fatto, oj mà?
Tu c'hê distrutto 'a vita a isso e a me
Pronto, pronto, mammà?
Pecché nun parle?
O saccio, si' pentuta a stu mumento
Sento che staje chiagnenno
Nun chiagnere, mammà
Ma torn'a casa, torna pe' mme
Famme turnà a verè cu l'uocchie tuoje
E torna pe' papà
Ca sulo m'braccia a te può riturnà a campà
Tuorna, tuorna, mammà