Proite pianghes o fizu meu?
Ista chietu pro amore ‘e Deus
Cheres a babbu, fizu istimadu
Ma babbu tou ch’est emigradu
Ch’est emigradu a malagana
In d’una terra frita e lontana
Ca fit inoghe disisperadu
Annos intreos disocupadu
E no b’at versu ‘e cambiare
Male sas cosas sighin a andare
Si custa crisi no at a finire
Ateros babbos an a fuire
Tue non piangas, dami sa manu
Prega pro babbu chi restet sanu
Ateros pregan, sende prus mannu
De no connoscher simile afannu
E de no biver, sende cojuadu
Chena familia, solu, emigradu
Che a babbu tou disisperadu
Annos intreos disocupadu
E no b’at versu ‘e cambiare
Male sas cosas sighin a andare
Si custa crisi no at a finire
Ateros babbos an a fuire
E no b’at versu ‘e cambiare
Male sas cosas sighin a andare
Si custa crisi no at a finire
Ateros babbos an a fuire